អ្នកអាចដឹងពីរបៀបដែលធ្វើឱ្យត្រូវទៅនឹងគម្រោងការរបស់ព្រះជាម្ចាស់ ក្នុងនាមជាសមាជិកនៃព្រះកាយរបស់ព្រះគ្រិស្ដ ហើយរៀនពីរបៀបដែលព្រះជាម្ចាស់នឹងបំពាក់បំប៉នអ្នក ដើម្បីបម្រើនៅក្នុងក្រុមជំនុំ។ នៅមុខវិជ្ជានេះ ដែលនិពន្ធដោយលោកស្រី (Marian Brandt) មានការទាក់ទងទៅនឹងរបៀបដែលព្រះជាម្ចាស់បានរៀបចំក្រុមជំនុំ និងដាក់សមាជិកម្នាក់ៗទៅតាមព្រះកាយរបស់ព្រះគ្រិស្ដតាមផែនការរបស់ព្រះអង្គ។ វាក៏ជួយផ្តល់យោបល់ដល់អ្នកឱ្យចេះរកឃើញ និងអភិវឌ្ឍព្រះអំណោយទាន ដែលនឹងជួយឱ្យម្នាក់ៗ កសាងក្រុមជំនុំ។ វានឹងជួយអ្នកឱ្យស្វែងយល់ពីរបៀបដែលអ្នកអាចបម្រើព័ន្ធកិច្ចជាមួយអ្នកដឹកនាំផ្សេងៗទៀតនៅក្នុងក្រុមជំនុំក្នុងស្រុក និងរបៀបដែលអ្នកជឿមានអំណោយទាន អាចបម្រើព័ន្ធកិច្ចទៅដល់អស់អ្នកដែលត្រូវការជំនួយ។

ខណៈពេលដែលអ្នកសិក្សាមេរៀនទីមួយនេះ អ្នកនឹងចាប់ផ្ដើមរកឃើញនូវអ្វីដែលជាគម្រោងការរបស់ព្រះជាម្ចាស់សម្រាប់អ្នក និងរបៀបដែលអ្នកអាចក្លាយជាផ្នែកមួយនៃគម្រោងការរបស់ព្រះអង្គនៅក្នុងលោកីយ៍នាពេលបច្ចុប្បន្ននេះ។ វានឹងជួយឱ្យអ្នកដឹងថាអ្នកណាជាសមាជិកនៃគ្រួសាររបស់ព្រះជាម្ចាស់ ដោយពណ៌នាពីគម្រោងការរបស់ព្រះជាម្ចាស់ សម្រាប់គ្រួសាររបស់ព្រះអង្គ ហើយនឹងពន្យល់ពីរបៀបដែលអ្នកគឺជាផ្នែកមួយនៃគម្រោងការរបស់ព្រះជាម្ចាស់ ដើម្បីនាំដំណឹងល្អទៅកាន់លោកីយ៍នេះ។

ហេតុអ្វីបានជាមានការប្រមូលផ្តុំគ្នាក្នុងចំណោមអ្នកជឿដំបូង?
មេរៀននេះនឹងជួយអ្នក: ១) សរសេរនូវហេតុផលដែលអ្នកជឿនៅក្នុងក្រុមជំនុំដំបូងបានជួបជុំគ្នា ២) ពន្យល់ពីរបៀបដែលក្រុមជំនុំបន្តកិច្ចការរបស់ព្រះយេស៊ូនៅក្នុងពិភពលោក និង ៣) ពណ៌នាពីកិច្ចការដែលគួរនឹងកើតឡើងនៅពេលដែលអ្នកជឿជួបជុំគ្នា។

អ្នកនឹងរកឃើញបន្ថែមទៀតអំពីបំណងព្រះហឫទ័យរបស់ព្រះជាម្ចាស់ចំពោះក្រុមជំនុំ និងព័ន្ធកិច្ចសម្រាប់សមាជិករបស់ក្រុមជំនុំ។ មេរៀននេះនឹងជួយអ្នក: ពណ៌នាពីក្រុមជំនុំដោយប្រើការបង្ហាញឱ្យឃើញបីយ៉ាង ពន្យល់ពីការដែលព្រះគ្រិស្ដធ្វើជាព្រះសិរសារបស់ព្រះកាយ សរសេរព័ន្ធកិច្ចចំនួនបីបួនដែលអ្នកជឿមាន ក្នុងនាមជាសមាជិកនៃព្រះកាយ។

មិនមែនគ្រប់គ្នាមានព័ន្ធកិច្ចដូចគ្នានោះទេ។ មានអ្នកអធិប្បាយ និងបង្រៀន មានអ្នកនិយាយប្រកបដោយប្រាជ្ញា និងដោយយល់គម្រោងការរបស់ព្រះជាម្ចាស់ ហើយក៏មានអ្នកដែលបម្រើ និងចែករំលែកផងដែរ។
អ្នកប្រហែលជាមានចម្ងល់អំពីព័ន្ធកិច្ចរបស់អ្នក។ សូមឱ្យសេចក្តីពិតក្នុងមេរៀននេះបង្ហាញអ្នកពីរបៀបដែលរកឃើញព័ន្ធកិច្ចពិសេសក្នុងព្រះកាយរបស់ព្រះគ្រិស្ត។

ពេលអ្នកសិក្សាមេរៀននេះ អ្នកនឹងឃើញពីអ្វីដែលព្រះគម្ពីរមានព្រះបន្ទូលអំពីអ្នកបម្រើព័ន្ធកិច្ចជាគ្រិស្តបរិស័ទ។ វានឹងជួយអ្នក: ១) ពណ៌នាពីលក្ខណៈសម្បត្តិដែលអ្នកបម្រើព័ន្ធកិច្ចជាគ្រិស្ដបរិស័ទគួរមាន ២) សរសេរកិច្ចការចំនួនបីបួនដែលអ្នកអាចធ្វើ ដើម្បីជួយអភិវឌ្ឃអំណោយទានខាងព័ន្ធកិច្ចរបស់អ្នក និង ៣) កំណត់ពីប្រភេទមនុស្ស ដែលព្រះជាម្ចាស់អាចប្រើក្នុងនាមជាអ្នកបម្រើព័ន្ធកិច្ចរបស់ព្រះអង្គ។

នៅក្នុងមេរៀននេះ យើងនឹងសិក្សាអំពីំមូលហេតុដែលព្រះជាម្ចាស់ប្រទានឱ្យមនុស្សមានសមត្ថភាពខុសៗគ្នា។
មេរៀននេះនឹងជួយអ្នក: ១) ពណ៌នាពីទំនាក់ទំនងដែលអ្នកបម្រើព័ន្ធកិច្ចជាគ្រិស្ដបរិស័ទគួរតែមានជាមួយគ្នា ២) ពន្យល់ពីលទ្ធផលដែលកើតមាន នៅពេលអ្នកជឿធ្វើការជាមួយគ្នា និង ៣) ទទួលស្គាល់ពីសារសំខាន់ដែលម្នាក់ៗមាន ក្នុងនាមជាសមាជិកនៃព្រះកាយ។

ពេលអ្នកសិក្សាមេរៀននេះ អ្នកនឹងរៀនបន្ថែមអំពីសេចក្តីស្រឡាញ់ប្រភេទណាខ្លះដែលអ្នកត្រូវតែមានក្នុងនាមជាអ្នកបម្រើព័ន្ធកិច្ចជាគ្រិស្តបរិស័ទម្នាក់។ អ្នកនឹងរៀនអំពីប្រភពនៃស្រឡាញ់ និងលទ្ធផលដែលអាចកើតមាននៅក្នុងជីវិតរបស់អ្នក។

មេរៀននេះនឹងជួយអ្នកឱ្យរកឃើញបន្ថែមអំពីហេតុផលដែលក្រុមជំនុំត្រូវការពួកអ្នកដឹកនាំ។ វានឹងជួយអ្នកឱ្យយល់អំពីអ្នកដឹកនាំប្រភេទផ្សេងៗ និងរបៀបធ្វើការងារជាមួយពួកគេ ដើម្បីបំពេញបំណងព្រះហឫទ័យរបស់ព្រះជាម្ចាស់សម្រាប់ក្រុមជំនុំ។

ប្រហែលជាអ្នកក៏សួរខ្លួនឯងដែរថា តើអនាគតរបស់អ្នកបម្រើព័ន្ធកិច្ចជាគ្រិស្តបរិស័ទនឹងក្លាយទៅជាយ៉ាងណា? មេរៀននេះនឹងជួយឆ្លើយសំណួរមួយនេះ។ សូមឱ្យសេចក្តីពិតបានលើកទឹកចិត្តអ្នកក្នុងការងារបម្រើព្រះអម្ចាស់ និងសូមឱ្យដួងចិត្តអ្នកបានពេញដោយសេចក្តីអំណរ។