នៅពេលដែលអ្នកមានបញ្ហា តើអ្នកដឹងថាត្រូវស្វែងរកចម្លើយនៅឯណាដែរឬទេ? អ្នកនិពន្ធលោក ដូរ៉ូធី អិល. ចន ជួយអ្នកផ្លាស់ប្តូរបញ្ហារបស់អ្នកឲ្យក្លាយជាជ័យជម្នះ។មិនមានដំណោះស្រាយច្បាស់លាស់សម្រាប់បញ្ហាខ្លះដែលយើងកំពុងប្រឈមមុខនោះទេ។ ទោះជាយ៉ាងណាក៏ដោយ ព្រះគម្ពីរផ្ដល់នូវគោលការណ៍ណែនាំសម្រាប់ការស្វែងរកដំណោះស្រាយបញ្ហាជាច្រើនក្នុងជីវិត។ ព្រះជាម្ចាស់មិនសព្វព្រះហឫទ័យឲ្យ គ្រិស្តបរិស័ទ ទទួលបរាជ័យឡើយ។ នៅពេលដែលអ្នកសិក្សាវគ្គនេះ ហើយអនុវត្តគោលការណ៍នៃការដោះស្រាយបញ្ហា អ្នកនឹងរកឃើញនូវព្រះពរដ៏អស្ចារ្យ តាមរយៈការ អនុញ្ញាតឲ្យព្រះយេស៊ូគ្រិស្ត ដែលជាអ្នកដោះស្រាយបញ្ហារបស់អ្នក ជួយអ្នក។

នៅក្នុងមេរៀននេះ យើងនឹងពិចារណាអំពីប្រភពនៃបញ្ហារបស់យើង និងមូល ហេតុដែលយើងទាំងអស់គ្នាត្រូវតែប្រឈមមុខនឹងបញ្ហា។ ការយល់ដឹងពីមូលហេតុដែលរឿងរ៉ាវកើតឡើង ជួយយើងឲ្យយល់ពីវិធីស្វែងរកដំណោះស្រាយ ឬផ្លាស់ប្តូរបញ្ហារបស់យើងឲ្យក្លាយជាឱកាសដើម្បីលូតលាស់កាន់តែរឹងមាំនៅក្នុងបទពិសោធន៍ជាគ្រិស្តបរិស័ទរបស់យើង។

នៅក្នុងមេរៀននេះយើងនឹងសិក្សាអំពីវិធីសាស្ត្រជាគ្រិស្តបរិស័ទក្នុងការស្វែងរកដំណោះស្រាយចំពោះបញ្ហារបស់យើង។ព្រះជាម្ចាស់បានប្រទានជំនួយជាច្រើន សម្រាប់យើង។ យើងអាចយកបន្ទុកដ៏ធ្ងន់របស់យើងទៅទូលថ្វាយព្រះអង្គ ហើយដឹងថាព្រះអង្គនឹងជួយយើងឲ្យឆ្លងកាត់បញ្ហាទាំងនេះ។

នៅក្នុងមេរៀននេះយើងនឹងពិចារណាអំពីគោលការណ៍មួយចំនួនរបស់គ្រិស្ត បរិស័ទ សម្រាប់ការដោះស្រាយបញ្ហា។ នៅពេលដែលអ្នកធ្វើតាមគោលការណ៍ទាំងនេះ អ្នកអាចរំពឹងថាព្រះជាម្ចាស់នឹងធ្វើការជាមួយអ្នក ហើយអ្នកអាចរំពឹងថានឹងឆ្លងកាត់រាល់បញ្ហាដោយអំណរ និងជ័យជម្នះ!

នៅក្នុងមេរៀននេះ យើងនឹងពិនិត្យមើលផ្នែកនៃបញ្ហាដ៏សំខាន់ៗមួយចំនួន ក្រោមការបំភ្លឺពីទំនាក់ទំនងរបស់យើងជាមួយព្រះគ្រិស្ត ហើយតាមរយៈព្រះអង្គ ជាមួយអ្នកដទៃដែលអាចនឹងមិនស្គាល់ព្រះអង្គ និង អ្នកដែលត្រូវបានជំរុញដោយសេចក្តីប៉ងប្រាថ្នាអាត្មានិយមតែម្យ៉ាង។ តើគ្រិស្តបរិស័ទត្រូវដោះស្រាយបញ្ហាទាំងនេះ ដែលជាផ្នែកមួយនៃបទពិសោធន៍ប្រចាំថ្ងៃរបស់យើងយ៉ាងដូចម្តេច? ព្រះគម្ពីរផ្តល់នូវគោលការណ៍ណែនាំយ៉ាងវិជ្ជមានសម្រាប់របៀបដែលយើងគួរធ្វើ និងឆ្លើយតប។

នៅពេលអ្នកសិក្សាមេរៀននេះអ្នកនឹងរៀនពីដំណោះស្រាយផ្សេងៗតាមព្រះគម្ពីរ ចំពោះបញ្ហាគ្រួសារ ។

នៅក្នុងមេរៀននេះ យើងនឹងស្វែងយល់អំពីតម្លៃវិជ្ជមានមួយចំនួននៃជីវិតនៅលីវ និងរបៀបដែលតម្លៃទាំងនោះអាចចូលរួមចំណែកដល់របៀបរស់នៅដែលគួរឲ្យ ពេញចិត្ត និងមានអត្ថន័យសម្រាប់អ្នកនៅលីវ។

នៅក្នុងមេរៀននេះយើងនឹងពិភាក្សាអំពីព្រំដែនដែលព្រះជាម្ចាស់បានកំណត់ សម្រាប់ការបញ្ចេញអារម្មណ៍ផ្លូវភេទ ហើយយើងនឹងឆ្លើយសំណួរថា “តើអ្វីទៅជាគោលការណ៍ព្រះគម្ពីរ ដែលគួរគ្រប់គ្រងលើបញ្ហាផ្លូវភេទនៅក្នុងជីវិតរបស់អ្នកជឿជាគ្រិស្តបរិស័ទ?”

នៅក្នុងមេរៀននេះ យើងនឹងកំណត់ពីមូលហេតុនៃការធ្លាក់ទឹកចិត្ត និងស្វែងយល់ថាតើមានធនធានអ្វីខ្លះ ដើម្បីជួយគ្រិស្តបរិស័ទក្នុងការការពារ ឬយកឈ្នះលើគ្រាដែលមានការធ្លាក់ទឹកចិត្ត។ យើងក៏នឹងពិនិត្យមើលវិធីជួយអ្នកដទៃដែលកំពុងជួបប្រទះនឹងការធ្លាក់ទឹកចិត្តផងដែរ។ យើងអាចដាក់ក្តីសង្ឃឹមរបស់យើងលើព្រះជាម្ចាស់ ហើយដឹងថាព្រះអង្គមិនបានបំភ្លេចយើងឡើយ!

គោលបំណងរបស់យើងនៅក្នុងមេរៀននេះគឺដើម្បីពិភាក្សាពីរបៀបដែលការរងទុក្ខ និងសេចក្តីស្លាប់នាំមកនូវបញ្ហានៅក្នុងជីវិតមនុស្ស និងរបៀបដែលគ្រិស្តបរិស័ទគួរចូលទៅដោះស្រាយបញ្ហាទាំងនេះ។ របៀបដែលយើងឆ្លើយតបចំពោះបទពិសោធន៍ដ៏ឈឺចាប់ គឺមានសារៈសំខាន់បំផុត នៅពេលដែលយើងពិចារណាវាផ្អែកលើពន្លឺតម្លៃអស់កល្បជានិច្ច។

នៅក្នុងមេរៀននេះយើងនឹងរៀនអំពីព្រះបន្ទូលសន្យារបស់ព្រះជាម្ចាស់ចេញពីព្រះគម្ពីរ ដែលយើងអាចទទួលបាន និងយកមកធ្វើជាមូលដ្ឋានសម្រាប់ក្តីសង្ឃឹមរបស់យើងលើព្រះគ្រិស្ត ដែលជាព្រះដ៏មានជ័យជម្នះ!